ევროკავშირი საქართველოს დასახმარებლად ბონდებს ამზადებს

500 euro

ევროკავშირი, საქართველოს და უკრაინის დასახმარებლად, ობლიგაციებს განათავსებს, – წერს Reuters, ჩინოვნიკზე დაყრდნობით ევროკავშირში. 

ობლიგაციების დაფარვის ვადა 2033 წლის აპრილი იქნება, ხოლო მათი საშუალებით მიღებული ფულით, ევროკავშირი საქართველოს 15 მლნ ევროს ფინანსურ დახმარებას გაუწევს, უკრაინას კი – 500 მლნ ევროს. 

„ობლიგაციების განთავსება დაკავშირებულია იმასთან, რომ წინა კვირას ევროკომისიამ, უკრაინისთვის 500 მლნ ევროს ფინანსური დახმარების გაწევის გადაწყვეტილებას დაუჭირა მხარი“, – განაცხადა ევროპელმა ჩინოვნიკმა. 

ობლიგაციების განთავსება დეკემბრის დასაწყისშია დაგეგმილი, ხოლო საქართველოს და უკრაინას, ამ კრედიტების დაფარვა, ასევე, 2033 წლის აპრილისთვის მოუწევთ. 
ემისიის დასრულება 11 დეკემბრისთვის იგეგმება. 

ბონდების გამოშვების ორგანიზატორები არიან: Commerzbank, Goldman Sachs, LBBW და TD Securities.

ავტორი: ეკა ბაშარული